Presidenti Ilir Meta ka kritikuar qeverinë për strategjinë e saj në përballjen me pandeminë e koronavirusit. Kreu I shtetit ka kërkuar rritjen e numrit të testimeve për Covid 19, pasi sipas tij vendi ynë është I fundit në Europës sa I përket testimeve të kryera në raport me popullsinë. "Është shumë shqetësuese që Shqipëria është e fundit në Europë për numrin e testimeve të kryera. Testimi është veprim themelor sepse i hap rrugën gjurmimit dhe trajtimit të bazuar mbi diagnozë. OBSH ka qenë shumë e qartë që në momentin kur pandemia COVID-19 u shfaq, duke kërkuar: TESTIM! TESTIM! TESTIM! Kjo kërkesë është sot më urgjente se kurrë pasi rastet e të infektuarve, krahasuar me muajin prillin, janë rritur me mbi 11 herë", shkruan presidenti në një status në rrjetet sociale të shoqëruar edhe me një grafik për renditjen e vendeve evropiane sipas numrit të testimeve.