RENEA, Forcat e Ndërhyrjes së Shpejtë dhe policia e Shteti që prej orëve të para të mëngjesit të së premtes u përfshinë me urdhër të SPAK në një aksion masiv në mbarë vendin. Aksioni u zhvillua në Tiranë, Lezhë, Kurbin, Nikël dhe Vlorë. Në këto zona, prokuroria e Posaçme u vu në kërkim të 48 personave, për të cilët ka marrë miratimin e gjykatës për udhër-arrestet. Bëhet fjalë për emra të njohur të botës së krimit, ish-deputetë, familjarë të tyre e deri edhe punonjës të policisë. Urdhër arrestet janë lëshuar për dy vëllezërit Astrit dhe Altin Avdylaj, Leonard dhe Erlis Duka, Durim dhe Valter Bami si dhe Endrit Doklen, Lulzim Berishën, kunatin e tij Plarent Dervishaj, kushëririn dhe vëllain e deputetit socialist, Eduard Ndreca, si dhe për ish-deputetin po socialist, Arben Ndoka. 10 prej tyre janë vetëm për Tiranë, ndërsa burimet pohojnë se mes tyre janë të paktën edhe dy punonjës policie.