Detaje të reja kanë dalë në pah nga procesi gjyqësor që po zhvillohet kundër Ardjan Çapjas, Ervis Bardhit, Klajdi Dokolit dhe Etjen Canit, të akuzuar si financues dhe pjesëmarës në vrasjen e Gentian dhe Nezir Beqirit. Mësohet se personi, që bashkëpunëtori i SPAK, Ervis Bardhi, futi si negociator tek anëtarët e familjes Çapja në Elbasan, është pyetur në Gjykatën e Posaçme, ku ka dhënë shpjegime lidhur me një mesazh në letër të cilën ia ka dërguar kësaj familje. Çela, i ka treguar gjykatës dhe prokurorisë, se me të arrestuarin Ervis Bardhi, ka njohje shoqërore. Sipas tij, për shkak të kësaj njohje, Ervis Bardhi, një ditë i kishte një nder. Dëshmitari ka rrëfyer se situata ka ndodhur në momenitn kur Bardhi kishte dalë nga burgu i Peqinit, pasi kishte përfunduar dënimin me 6 vite burgim për drogë. Florenc Çela, ka treguar se Bardhi, i ka kërkuar ti çonte informacion të shkruar në një letër dhe futur brenda në një zarf drejtuesve të familjes Çapja. Këtë letër, Florenc Çela, ja ka dorëzuar një personi tjetër, që rezulton të jetë dhëndëri i tij.