Drejtoria e Përgjithshme ka pezulluar nga detyra shefin e Krimeve pranë Komisariatit numër 1 në kryeqytet, Rustem Dervishi, për shkelje të rëndë disiplinore. Ky pezullim erdhi në lidhje me një postim në rrjetet sociale, në të cilin pasqyrohet komunikimi joetik në një grup komunikimi në platformën ËhatsApp, midis disa punonjësve të Policisë të Komisariatit të Policisë Nr. 1. Gjithashtu, Drejtoria e Standardeve Profesionale në Policinë e Shtetit, nën drejtimin e Agjencisë për Mbikqyrje Policore, vijon punën për kryerjen e një hetimi të plotë administrativ për këtë rast. Në postimin në rrjetet sociale vihen re biseda mes një grupi punonjës të Policisë pranë Komisariatit numër 1, ku nuk mungojnë as komentet e vetë shefit të Komisariatit Petrit Hala, si edhe Ina Nukës, oficerja e Policise qe keputi gishtat gjatë një protestë të opozitës disa vite më pare, kundrejt nje vajze 18-vjecare qe kishte humbur.