Zgjedhjet e pjesshme të 6 marsit për 6 bashkitë pa kryetar ka qenë tema më e nxehtë që prej 20 janarit, kur presidenti i Republikës së Shëipërisë Ilir Meta dekretoi këtë datë për mbajtjen e zgjedheve të pjesshme. Ndërsa na ndajnë edhe 3 ditë, nga 6 marsi i famshëm, kryetari i Komisionit Qëndror të Zgjedhjeve, Ilirjan Celibashi ka patur takime me zyrtarë të lartë të shtetit, për të folur lidhur me këtë proces. Së fundmi, Celibashi ka patur një takim me ambasadoren e SHBA-së në Tiranë, Yuri Kim dhe me ambasadorin e Bashkimit Europian Luigi Soreca. Lajmi u bë me dije nga ambasadorja Yuri Kim, ku përmes një postimi në mediat sociale, shkruan se së bashku me Sorecën, patën një takim me Celibashin për ti shprehur këtij të fundit suportin e tyre për zgjedhjet e pjesshme të 6 marsit. Kim nxiti KQZ-në që të ushtrojë përgjegjësitë e saj në përputhje me ligjin dhe normat ndërkombëtare, përfshirë verifikimin e kualifikimit të kandidatëve.