Presidenti francez Emmanuel Macron ka kritikuar presidentin amerikan, Donald Trump, duke kërkuar një qasje më të qëndrueshme dhe serioze ndaj luftës me Iranin, teksa theksoi se një konflikt i tillë nuk mund të trajtohet me deklarata që ndryshojnë nga dita në ditë. Gjatë një vizite në Korenë e Jugut, ai nënvizoi se bëhet fjalë për çështje jetike që lidhen me luftën, paqen dhe jetën e njerëzve. Macron la të kuptohet se mesazhet kontradiktore nga Trump nuk ndihmojnë situatën, duke theksuar se një qëndrim serioz kërkon maturi në komunikim. Ai sugjeroi se deklaratat e shpeshta dhe të ndryshueshme mund të dëmtojnë përpjekjet diplomatike dhe të rrisin pasigurinë në terren.