Një ngjarje e rëndë ka ndodhur në një nga njësitë administrative të Bulqizës, ku xhamia e Shupenzës u përfshi nga flakët në orët e para të mëngjesit të së premtes, pas mbarimit të faljes. Zjarri ka shpërthyer fillimisht në katin e dytë të xhamisë, ku falen gratë dhe vajzat. Besimtarët kanë qenë të parët që e kanë vënë re zjarri dhe kanë njoftuar menjëherë zjarrfikësit e Bulqizës, të cilët kanë shkuar me urgjencë në vendngjarje. Megjithatë, ata nuk kanë mundur ta shuajnë zjarrin, dhe siç duket edhe nga pamjet, xhamia ka mbetur vetëm me muret e saj të paprekura. Policia ka mbërritur gjithashtu në vendngjarje dhe ka nisur hetimet për të zbardhur shkakun e ngjarjes. Dyshimet e para të autoriteteve janë se zjarri mund të ketë shkaktuar nga një defekt në rrjetin e instalimeve elektrike të xhamisë.