Rusia ka informacione se mercenarë nga Kosova, Shqipëria dhe Bosnja po dërgohen për të luftuar në lindje të Ukrainës. Ky është titulli i agjencisë ruse të lajmeve Sputnik, e cila shkruan edhe se më herët këtë muaj, milicitë separatiste në Donbash raportuan praninë e mercenarëve britanikë dhe polakë, që operonin në afërsi të vijës së frontit në Ukrainën lindore. Rajoni është i përfshirë nga luftimet që në 2014-ën. Sputnik, citon ndërkohë ministrin e jashtëm rus, Sergei Lavrov që thotë se ka informacione se mercenarë po rekrutohen për tu dislokuar në Donbash nga Kosova si edhe nga shqipëria dhe Bosnja. “Kancelari gjerman Olaf Sholz dhe liderë të tjerë të natos thonë se aleanca është mbrojtëse. Presidenti rus vladimir Putin, në konferencën e tij për shtyp pas bisedimeve me Sholz i kujtoi atij bombardimet e natos në jugosllavi në 1999 dhe scholz tha se nato ndërhyri për të parandaluar një gjenocid mbi shqiptarët e kosovës dhe se gjithcka kishte rezultuar një sukses e rajoni tani po lulëzon”, tha Lavrov të premten. Por, sipas Lavrov, rajoni nuk po lulëzon aspak. Kosova dhe disa pjesë të tjera të ballkanit perëndimor po bëhet një terren pjellor për krimin. Ka terroristë, trafikantë droge. Po rekrutohen madje edhe mercenarë që do të marrin pjesë në konflikte që gradualisht po farkëtohen, madje edhe nga SHBA. Ka informacione se mercenarë po rekrutohen në kosovë, shqipëri e bosnje hercegovinë dhe po dërgohen në Donbass, mes vendeve të tjera, në mënyrë që të nxjerrin Rusinë nga shinat. Ne po marrim informacione të tilla në këto momente tani”, tha ministri i jashtëm rus.