Nga zhvillimi i një megaoperacioni kundër trafikut të drogës është goditur një organizatë kriminale që operonte nga Brazili në Dubai, ku shpërndarës në vende të ndryshme të Europës ishte edhe një shtetas me origjinë shqiptare. Në pranga ka rënë një 36-vjeçar, i bërë i njohur për mediat si Rodrigo Alvarenga Parede, i prezantuar edhe si biznesmen në fushën financiare dhe atë bujqësore. Biznesmeni është arrestuar për trafikimin e 17 tonëve të kokainës përgjatë 2 viteve dhe që destinacion kishin Europën. Në këtë operacion janë të përfshirë Europol, i mbështetur edhe nga policia braziliane. Bëhet me dije se gjatë periudhës së hetimit, organizata e trafikut të drogës e përbërë nga Alvarenga ka kryer transaksione prej më shumë se 700 milionë dollarësh, si një nga drejtuesit kryesorë të organizatës së drogës në Paraguaj. Ndërkohë janë dhënë 17 urdhra për ndalim parandalues dhe 37 urdhra kërkimi dhe arrestimi në Rio Grande do Sul, Santa Catarina, Paraná, Amazonas dhe Rondonia, në Assunção, në Paraguaj dhe Dubai, në Emiratet e Bashkuara Arabe.