Me tone alarmante, media greke “Olympia.gr” flet për një dekret të firmosur nga presidenti turk Rexhep Tajip Erdogan, me pretendimin se aty paralajmërohet luftë dhe pushtime në shkallë të gjerë. Artikulli përpiqet të tregojë se një dekret I tillë përbën kërcënim për sigurinë kombëtare të Greqisë, integritetin e saj por edhe sigurinë e mbarë rajonit. Sipas Olympia.gr. me një lëvizje të tillë, Turqia mund të pajisë cdo vend që dëshiron pa qenë nevoja të regjistrojë zyrtarisht armët që do të përdorë. Mund të dislokojë në mënyrë të fshehtë agjentë edhe pa aprovimin e parlamentit apo ndonjë institucioni tjetër vazhdon shkrimi. E thënë ndryshe, sipas Olympia.gr, në rastin e një konflikti greko-turk, Turqia mund të përdorë për këtë qëllim Shqipërinë apo Shkupin. Nëse ato nuk do të pranojnë të marrin pjesë në luftë duke u rershtuar në anën e saj, atëherë Ankaraja mund të krijojë entitete brenda këtyre vendeve për tti përdorur për sulme kundër Greqisë, thuhet më tej, ndërsa insistohet që pasj këtij dekreti të supozuar, të bien këmbanat e alarmit për komunitetin ndërkombëtar. Artikulli polemizues vjen në një kohë kur tensionet mes dy vendeve në fakt janë zbutur dhe në 25 janar, Turqia e Greqia rinisën bisedimet për zgjidhjen e mosmarrëveshjeve të gjata detare duke i dhënë fund një ndërprerjeje pesë-vjeçare të tyre.Ankaraja dhe Athina ranë dakord këtë muaj për të rinisur bisedimet në Stamboll, në një përpjekje nga Turqia për të përmirësuar marrëdhëniet e saj me Bashkimin Evropian, i cili ka mbështetur Greqinë anëtare të BE-së dhe e ka kërcënuar me sanksione Ankaranë për veprimet e saj në Mesdhe.