123 infektime nga 1 mijë e 586 testime të kryera. Ka qenë ky bilanci I 24 orëve të fundit në vendin tonë. Tirana vijon të jetë qarku më i infektuar me 47 raste të reja, e ndjekur nga Lushnja me 10 raste dhe më pak raste në qarqet e tjera. Minisria e shëndetësisë nga raportimin ditor, bën me dije se janë shënuar dy humbje jete. Betejën nuk e fituan një qytetar nga Tirana 75-vjeç dhe një qytetar nga Kavaja 88-vjeç. Aktualisht në spitalet covid mësohet se 45 pacientë po marrin trajtim mjekësorë të specializuar, nga të cilët 7 janë në gjendje më të rënduar. Ndërkohë që, po gjatë këtij harku kohorë, janë shëruar 282 qytetarë, duke e çuar numrin e të shëruarve në 266,301 që nga fillimi i epidemisë. Aktualisht në të gjithë vendin, 2 mijë e 50 qytetarë janë aktivë me COVID19.