Franca është zotuar të shtojë furnizimet me municion për Ukrainën, në mënyrë që të plotësojë nevojat e mbrojtjes së Kievit vitin e ardhshëm. Lajmin e dha Ministria e Mbrojtjes e Ukrainës, filla pas një vizite të një delegacioni ushtarak francez në Kiev, ku u diskutua për ecurinë e luftimeve ndaj Rusisë, sfidat e ushtrisë ukrainase dhe rritjen e bashkëpunimit mes dy vendeve. Gjatë takimit, pala francize konifmroi mbështetjen për luftën në Ukrainë, jo vetëm në para për blerjen e municioneve, por edhe për rritjen e dërgimit të tyre nga Parisi drejt Kievit. Nga ana tjetër pala ukrainase falënderoi Franc ën për mbështetjen e vazhdueshme që I ka dhënë vendit që nga 24 shkurti i vitit të kaluar, kur Rusia nisi pushtmin e Ukrainës në shkallë të gjerë. Vendimi I Francës për të rritur furnizimet me municione, vjen pas thirrjeve të Kievit për më shumë ndihmë në logjistikë luftarake, për t’u përballur me ushtrinë e mirëpajisur ruse. Vlen të theksohet se Rusia ka rritur buxhetin e saj të mbrojtjes për vitin e ardhshëm, duke e çuar në një nivel rekord, çka sinjalizon një vit të vështirë në fushëbetejat me Ukrainën.