Kevin Spacey është gati t’i rikthehet aktrimit të cilin e la në mes pas një periudhe të vështirë në jetën e tij. Aktori tashmë po lirohet nga të gjithë akuzat për abuzim seksual. Ai ka dhënë intervistën e tij të parë ka ka theksuar se fajin që imazhi i tij është aq i njollosur e kanë mediat. “Mediat kanë bërë të pamundurën për të më shndërruar në një përbindësh, por nga njerëzit nuk kam parë gjë tjetër veç dashurisë”, shpjegoi aktori. Ndër të tjerash u tregua shumë optimist për të ardhmen dhe rikthimin e tij në aktrim. Edhe pse nuk është lidhur ende me ndonjë projekt të madh, është çështje kohe që të ndodhë kjo, siç ka ndodhur me aktorë të tjerë që u anuluan në atë kohë, për shembull, Johnny Depp dhe Will Smith. “Ndihem sikur jam në fillim të karrierës sime, kur askush nuk më donte”, përfundoi aktori.