Dita e parë e javës së tretë të marsit ka shënuar sërish një numër të lartë jetësh të humbura si pasojë e infekimit nga Covid 19. Sipas të dhënave zyrtare të ministrisë së Shëndetësisë janë 15 persona të prekur nga virusi që kanë humbur jetën në 24 orët e fundit në spitalet Covid në Tiranë dhe tre spitalet rajonale të moshave nga 34-82 vjeç. Pas këtyre jetëve të humbura numri i viktimave në vend që nga nisja e pandemisë ka shkuar në 2060. Por nga të dhënat zyrtare , vërehet një ulje e infektimeve të reja, krahasuar me ditëtn e kaluara dhe janë përkatësihst 543 raste të reja me koronavirus, si rezultat i 3001 testimeve të kryera ndaj personave të dyshuar. Nga këto188 raste janë shënuar në Tiranë, 38 në Shkodër, 37 në Durrës, 31 në Fier, 30 në Elbasan, 19 në Sarandë, 17 në Mirditë, 16 në Vlorë, 15 në Përmet, nga 13 raste në Gjirokastër, Pogradec, nga 12 raste në Lushnje, dhe Finiq 11 në Delvinë dhe më pak raste në bashkitë e tjera të vendit. Ka një rënie edhe sa i takon shtrimeve në spitalet COVID në Tiranë dhe tre spitalet rajonale, ku kunfirmohet se po trajtohen 485 pacientë, 32 prej tyre në terapi intensive, nga të cilët 9 pacientë janë të intubuar. Po ashtu konfirmohet se në 24 orët e fundit janë shëruar 578 qytetarë, duke e çuar numrin e të shëruarve në 81,061 që nga fillimi i epidemisë, ndërsa numri i rasteve aktive në vend vijon të jetë i lartë dhe janë përkatësisht janë 34 596 të prekur nga covid 19. Në total që nga rastet e para të zbuluara në marsin e vitit të kaluar janë regjistruar118,017 persona të infektuar. Sa takon procesit të imunizimit gjatë së hënës janë kryer 2478 vaksinime antiCovid dhe që nga fillimi i vaksinimit janë kryer 27,365 doza për personelin shëndetësor, të moshuarit dhe mësuesit.