Avionët luftarakë francezë kanë fluturuar mbi Champs Elysee në ditën e Bastijës, festën kombëtare të francës, duke lëshuar pas tym të kuq, të bardhë dhe blu, sipas ngjyrave të flamurit francez. Forcat speciale evropiane të përfshira në operacionet anti xhihadiste në Rajonin e Sahelit në Afrikë, ishin të parat në paradë, duke treguar kështu edhe prioritetin kryesor ushtarak të presidentit Emmanuel Macron. Parada tradicionale në ditën kombëtare të francës rikthehet kështu në Champs Elysees pas një mungese një vjecare për shkak të pandemisë së koronavirusit. Parada ishte sidoqoftë një version më i reduktuar i eventit të zakonshëm, me vetëm 10 mijë njerëz në shesh në vend të 25 mijëve, ndërsa pritej që shiu i rrëmbyeshëm do të mund të pengonte manifestimin. Sidoqoftë, moti mund të bëjë që spektaklet e fishekzjarreve në të gjithë vendin, në mbrëmje, të reduktohen.