Besmir Sulaj, 35 vjec është vënë në pranga nga policia e Kukësit, pasi dyshohet si organizator I lojrave të fatit. Ndërsa 34 vjecari Fation Elezaj është shpallur në këkrim si bashkëpunëtorë I këtij të fundit, i cili, sipas policies, kishte marrë një local me qira për ta përdorur për lojëra fati si dhe për të shpërndarë drogra të forta. Uniformat blu bënë me dije se këta dy shtetas janë me precedent të mëparshëm penal në fushën e narkotikëve. Gjithashtu, janë proceduar penalisht në gjendje të lirë dhe 7 shtetas, për moskallëzim krimi. Policia e Kukësit, njoftoi se në kuadër të operacionit policor të koduar “Vila”, për goditjen e veprimtarisë kriminale në fushën e shpërndarjes së lëndëve narkotike dhe të ushtrimit të paligjshëm të lojërave të fatit, u sekuestruan një sasi me lëndë narkotike kokainë, një peshore elektronike që shërbente për të ndarë lëndën narkotike në doza, një kuti me ekstazi, një tavolinë pokeri, një kuti me çipsa, letra bixhozi dhe një sasi parash. Ndërkohë, operacioni vijon për kapjen e personit në kërkim, si dhe të personave të tjerë të përfshirë në organizimin e kësaj veprimtarie kriminale.