Kryeministri izraelit Benjamin Netanyahu e ka cilësuar si të turpshëm vendimin e Qeverisë së Britanisë së Madhe, për pezullimin e licencave të eksportit të disa lloje armësh në Izrael. “Ky vendim i turpshëm nuk do ta ndryshojë përkushtimin e Izraelit për ta mposhtur Hamasin, i cili është organizatë terroriste që vrau egërsisht 1.200 njerëz më 7 tetor, përfshirë 14 shtetas britanikë”, tha Netanyahu në një postim në rrjetet sociale. Qeveria britanike bëri me dije të hënën se ka pezulluar 30 prej 350 licencave të eksportimit të armëve me Izraelin, për shkak të rrezikut se ato mund të përdoren për të kryer shkelje të rënda të ligjit humanitar ndërkombëtar. Vendimi, u mor një ditë pasi forcat izraelite nxorën trupat e gjashtë pengjeve nga një tunel në Rripin e Gazës. Teksa nuk shpreh tërheqje nga synimet e tij, Netanyahu deklaroi se Hamasi ende po i mban mbi 100 pengje, përfshirë 5 shtetas britanikë, ndërsa I vendosur shprehet se me apo pa armët britanike, Izraeli do ta fitojë luftën. Eksporti i armëve britanike përbën më pak se 1 për qind të totalit të armëve që importon Izraeli, ndërsa lufta në Gazë ka bërë që më shumë se 40.000 palestinezë të vriten, sipas autoriteteve