Një shqiptar u kap me 940 mijë euro nga policia e Malit të Zi teksa tentonte të hynte në Shqipëri. Ai I kishte fshehur paratë në një makinë mallrash që kishte kaluar kufirin Austriak, atë slloven e kroat për tu kapur më pas në hyrje të territorit shqiptar. Sipas njoftimit të autoriteteve malazeze, paratë u gjetën pas një kontrolli të ushtruar në automjet. E gjithë shumë monetare u sekuestrua në cilësinë e provës materiale përkohësisht. Shuma e madhe e eurove dyshohet të jetë e fituar nga aktiviteti kriminal I shitjes së drogës në vendet e Bashkimit Europian. Ndërkohë I riu nga Shqipëria është vendosur përkohësisht nën akuzë për pastrim parash. Prokuroria ka kërkuar që të dyshuarit t’i zgjatet paraburgimi dhe të konfiskohen paratë e gjetura dhe automjetet që ai përdori për të kryer krimin.