Ditët e fundit rastet e reja pozitive me Coronavirus kanë pësuar rënie të ndjeshme, gjë që është reflektuar edhe në uljen e pacientëve të shtruar në spitalet Covid në Tiranë dhe ato rajonale. Mësohet se spitali Covid 4 është mbyllur, por do të mbahet ende në gatishmëri në rast se mund të ketë shtim fluks në periudha të mëtejshme. Pacientët e pakët në numër që merrnin trajtimin pranë spitalit Covid 4, do të vijojnë kurën në spitalet Covid 1 dhe Covid 3. Në 3 spitalet Covid në Tiranë janë duke marrë trajtim 160 pacientë, ndërsa 87 pacientë janë duke u trajtuar në spitalet rajonale. Në total numri I të shtuarve në gjendje të rënduar për shkak të infektimit me koronavirus sipas të dhënave më të fundit nga Ministria e Shëndetësisë është 247 pacientë. Ashtu siç bëi të ditur së fundmi edhe Komiteti Teknik i Ekspertëve, edhe numri i urgjencave ka pësuar rënie. Nga 1 deri më 7 prill ka pasur mesatare ditore, 280 pacientë të infektuar në ditë, edhe shkalla e pozitivitetit ka rënë në 11 për qind.