Aplikimet për hetues në Byronë Kombëtare të Hetimit janë mbyllur me 536 apikime në total. Deri më tani në BKH janë zgjedhur 28 hetues dhe kanë mbetur 32 vende të lira që duhet të plotësohen. Hetuesit e BKH-së kanë përgjegjësinë të kryejnë hetime penale nën drejtimin e Prokurorëve të Posaçëm dhe kanë statusin e oficerit të policisë gjyqësore. Në maj agjentët e kualifikuar do të marrin në dorë dosjet e para hetimore. Përpara se të çertifikohet kandidati i pranuar do ti nënshtrohet një trajnimi që përfshin një sërë modulesh vlerësimi. Pasi është çertifikuar si i trajnuar atëherë kandidati konsiderohet hetues. Deri para mbylljes së aplikimeve ambasada e SHBA në Tiranë dhe BKH kanë bërë vazhdimisht thirrje për persona me prejardhje profesionale, të cilët mund të përmbushin standardet për tu bërë anëtarë.