Dy raketa balistike ruse goditën një objekt arsimor dhe një spital aty pranë, në qytetin Poltava, duke vrarë të paktën 50 persona dhe plagosur mbi 271 të tjerë, njoftoi të martën Presidenti ukrainas Volodymyr Zelenskyy. Sulmi duket se është një nga më të përgjakshmit kryer nga forcat ruse që nga fillimi i luftës më shumë se 900 ditë më parë, më 24 shkurt të vitit 2022. "Një nga godinat e Institutit të Komunikimeve është shkatërruar pjesërisht. Njerëzit e gjetën papritur vetën nën rrënoja. Shumë u shpëtuan", shprehej Zelenskyy në një video të postuar në kanalin 'Telegram'. "Të gjitha shërbimet e nevojshme janë përfshië në operacionet e shpëtimit", shtoi ai raporton zëri I amerikës. Sipas zyrtarëve të Ministrisë së Mbrojtjes së Ukrainës, raketat kishin goditur menjëherë pasi ranë sirenat që njoftojnë për sulme ajrore, e ndërsa shumë njerëz po drejtoheshin drejt vendstrehimeve për t'u mbrojtur nga bombardimet. Ekipet e kërkim-shpëtimit si dhe mjekët shpëtuan 25 persona, 11 prej të cilëve u nxorën nga rrënojat, thuhej në deklaratën e ministrisë.