Pas 8 ditë plota të vaksinimit masiv numri total I dozave anticovid të injektuara që nga nisja e procesit ka shkuar në 192 882. Ministrja e Shëndetësisë Ogerta Manastirliu përmes një postimi në Tëitter ka bërë bilancin ditor të vaksinmit dhe atij të përgjithshëm, ku gjatë së dielës mësohet se janë kryer 7486 vaksina. Edhe gjatë së dielës ka vijuar vaksinimi uniformave blu në fier dhe në zona të tjera të vendit. Po ashtu në të gjitha qendrat e vaksinimit procesi ka vijura me vaksinimin e të moshuarve mbi 70 vjeç, me gazetarët, mësuesit dhe grupet e tjera të përcaktuara prioritare nga ekspertët. Vaksinimi ka përfunduar për ekipet mjeksore dhe stafet mbështetëse të tyre në vend. Kreu i qeverisë në deklaratat e tij ka paralajmëruar se në vazhdim procesi i imunizimit të popullatës do të vijojë me punonjësit e fasonerive, ata të shërbimeve të turizimit dhe më radhë të gjitha kategoritë e tjera. Shqipëria deri më tani ka administruar 282 mijë doza vaksinash të 4 llojeve të ndryshme, Pfizer, Astrazeneca, vaksina kineze Sinovac dhe ajo ruse Sputnik v. Ndërkohë procesi i vaksinimit ka nisur gati 3 muaj më parë, pas mbërritjes së 975 dozave të para të Pfizer, dhuratë nga një vend i BE.