U mbajt sot seanca e gjykimit për vrasjen makabre të Liridona Ademajt. Në seancën, i dyshuari Naim Murseli është përballur me dëshmitarët, përfshirë kunatin e tij, Leonardin. Një moment i pazakontë ndodhi kur Naimi, i akuzuar për organizimin e vrasjes së bashkëshortes së tij, iu drejtua vetë Leonard Ademaj me disa pyetje në lidhje me raportin që ai ka pasur me të ndjerën. “E kam një pyetje për Leonardin. Për 12 vjet martesë, a iu është ankuar ndonjëherë motra e tij, për mua apo për raportin tonë?”, i është drejtuar Naim Murseli vëllait të së ndjerës, i cili ka vendosur ti përgjigjet. “Jo nuk është anku. Përvec, se para disa muajve, para se të ndodhte ngjarja, e kishte prekur shumë një aferë tradhëtie e Naimit me një të afërm të vet. Por që, ajo vetë e kishte zgjidhur këtë punë me të dhe ne nuk e kemi kundërshtuar veprimet e saj”, ka deklaruar Leonard Ademaj. Ndër të tjera Naim Murseli ka rrëfyer edhe për një udhëtim të bërë së bashku me vëllain e gruas së tij të ndjerë. “E, dy javë para ngjarjes, rreth datës 16 nëntor, a kemi shkuar së bashku në Budva për të festuar ditëlindjen time, unë e ti, bashkëshortja jote, bashkëshortja ime dhe fëmijët e mir, me ftesë time?”, ka deklaruar i dyshuari kryesor i porositjes së vrasjes. Leonardi e ka pohuar diçka të tillë teksa është shprehur se ofertën për pushime ia ka bërë Liridona. Biseda e përballjes midis tyre ka vijuar edhe më tej, ku Naim Murseli e ka pyetur nëse ka parë diçka të dyshimtë nga ai udhëtim, e ky i fundit, deklaroi se nuk ka parë ose kuptuar asgjë. Po ashtu i akuzuari e ka pyetur Leonard Ademajn, tashmë ish kunati i tij, rreth motiveve për të cilat pretendohet se ka ndodhur krimi. “Dhe një pyetje të fundit, në aktakuzë prokurorja përmend dy motive, njëra që ka të bëjë me financat dhe kinse sigurim jetësor që nuk dihet asgjë për atë sigurim jetësor, kush është përfituesi, si janë kushtet atje jashtë shtetit, apo brenda shtetit të Suedisë, nuk dihet asgjë më tepër se që është një sigurim jetësor. Motivi tjetër që thuhet është kinse Liridona më ka tradhëtuar, cilit motiv i besoni Leonard Ademaj?” “Motivin gjoja Liridona të ka tradhtuar e ke thënë ti vetë, nuk e ka thënë prokuroria. Ndërsa sa i përket sigurimit, ti e din më mirë ku vlenë, se ja ke bërë vetëm asaj, nuk ia ke bërë vetës. Po ashtu, e dini mirë, kur i ke thënë babit në shtëpi: ‘Ia kam maru një sigurim Liridonës që nesër me e gjetë diçka, përfitojmë shumë, janë të siguruar fëmijë’, pra dihet qartë pse e ke bërë atë sigurim. Përvec tradhëtisë, të dyja versionet e tjera i besoj plotësisht”, i ështe përgjigjur Leonard Ademaj. Naim Murseli nuk ka përfunduar me aq, pasi ka vendosur ti bëjë është një pyetje tjetër, ish kunatit të tij. “Unë e kam parë deklaratën e Leonard Ademajt në aktakuzë dhe aty thuhet që djali im i vogël, nuk po ia përmendi emrin sepse edhe është i mitur dhe nuk është e nevojshme, aty thuhet që sipas fjalëve të Leonardit që djali im i thotë dajës vet që jashtë kësaj me të cilën po përballëm është dajë dhe person shumë i mirë dhe asnjëherë nuk kemi pasë probleme as me atë as me asnjë anëtarë të familjes Ademaj, për të cilën edhe sot gëzoj respekt. Por, në deklaratë thuhet se përveç ato që i përmendi që ‘hajduti ka kërku para’ e të tjera, thuhet që djali i vogël thotë se ‘mamin e kemi harruar në makinë’, a ka qenë kështu Leonard?” “Po. Atë natë, kështu ka thënë. Sepse është vec katër vjec, ishte vetëm katër vjec më falni dhe nuk e ka ditur se cfarë saktë po ndodhte”, ka dhënë për gjigjen e tij, vëllai i të ndjerës Liridona Ademajt.