Pamje të publikuara të enjten nga autoritetet australiane tregojnë momentin kur një parashutist mbetet i varur, mijëra metra lart në ajër pasi parashuta e tij u ngatërrua në bishtin e aeroplanit. Pashutisti i mbijetoi incidentit, i cili ndodhi në jug të Cairns gjatë një akrobacie në shtator, por sapo është zbuluar pas hetimeve nga mbikëqyrësi i sigurisë së transportit. Planet për një formacion parashutistësh në 4,600 metra lartësi, të filmuara nga një operator, shkaktuan kaos brenda pak sekondave pasi parashutisti i parë u hodh. Videoja e publikuar nga Byroja Australiane e Sigurisë së Transportit tregoi edhe momentet e hapjes së parashutës që më pas ngec në bishtin e avionit. Parashutisti ndërkohë tërhiqet prapa dhe këmbët e tij godasin avionin. Pashutisti gjithashtu rrëzoi operatorin e kameras, i cili ishte ulur në anën e avionit dhe po përgatitej të hidhej në rënie të lirë, tha zyra në një raport që nuk përfshinte emra, moshë ose gjini. Pas disa momenteve paniku, sidoqoftë, parashutisti pret fijet e parashutës dhe lirohet. Më pas hap parashutën rezervë dhe zbret në tokë në mënyrë të sigurt.