Kontrollet e panumërta të policisë në rrugët e vendit, qofshin ato të rastësishme apo të njoftuara në rrugë operative, kanë cuar në shumë raste në goditjen e rasteve të armëmbajtjes pa leje, qoftë nga persona me precedent të mëparshëm kriminal, ose edhe nga ana që nuk kanë patur më herët probleme me ligjin, Një tjetër rast i armëmbatjes pa leje u godit nga shërbimet policore në qytetine e Vlorës. Pas kontrolleve të kryera nga efektivët, u identifikua dhe u vendos në pranga një 44 vjecar, pasi u kap me një armë zjarri të llojit automatik. Ky shtetas po qarkullonte me automjet në lagjen “Bashkimi” në momentin kur u ndalua nga shërbimet policore për kontroll. Në automjetin e tij, policia gjeti armën e zjarrit të cilën e sekuestroi në cilësinë e provave materiale. Operacioni “Strike 23” u organizua nga Shërbimet e Forcës së Posaçme “Shqiponja”, në bashkëpunim me Komisariatin e Policisë Vlorë, në kuadër të planit operacional mbarëkombëtar “Sundimi i ligjit”, operacion ky që ka cuar dhjetara qytetarë në pranga.