Duke filluar nga nesër, maskat do të jenë të detyrueshme edhe në ambiente të jashtme. Masa e re nis zbatimin nga neser, me qellim frenimin e përhapjes së koronavirusit. Genta Qirjako, shefe e promocionit shëndetësor në ISHP foli në “Wake Up” në Top Channel në lidhje me kategoritë që përjashtohen nga vendimi dhe ambientet ku do përdoret maska. “Është një vendim në kohën e duhur për dy arsye madhore, E para trendi lehtësisht rritës dhe e dyta jemi në prag të fillimit të infeksioneve të zakonshme stinore. Nëse e vendos maskën mbi 80 për qind e popullatës, shanset janë të larta që të kufizohet përhapja. Ka kategori që përjashtohen nga përdorimi i maskës, Kategori të tilla janë personat që kanë probleme me frymëmarrjen. Sigurisht këto persona nuk do jenë subjekt i përdorimit të maskës, fëmijët e vegjël, personat me aftësi të kufizuara, qoftë mendore, qoftë fizike. E ndersa ekspertja ka shtuar se eshtë parashikuar që të mos jetë i detyruar përdorimi i maskës në studio televizive, nëse respektohet distanca sociale, teksa nenvizon se maskat do përdoren në çdo mjedis të hapur. Në rrugë ku ka lëvizje njerëzish, në sheshe, në parqe ku ka grumbullime njerëzish.