Pas zbatimit të masave të sigurisë që ishin dhënë nga Gjykata dhe u ekzekutuan nga Policia, të arrestuarve u janë komunikuar akuzat. Ndërsa për njërin prej të arrestuarve ka një ndryshim të masës së sigurisë, nga arrest me burg në arrest shtëpie me mbikëqyrje elektronike për shkak të nënës së sëmurë. Bëhet fjalë për të arrestuarit Denis Durrsi me me detyrë Drejtor i Drejtorisë Ekonomike tek Agjencia Kombëtare e Burimeve Natyrore i akuzuar për veprën penale “Shpërdorimi i detyrës”. Ndërsa për të dyshuarit e tjerë gjykata la në fuqi masat e mëparshme. Konkretisht arrest në burg për Qani Hoxhaj, inspektor tek Agjencia Kombëtare e Burimeve Natyrore, për veprën penale “Shpërdorimi i detyrës”. Simon Marku inspektor tek Drejtoria Rajonale e Tatimeve Tiranë, për veprën penale “Moskryerjes së detyrave nga organet tatimore”. E njëjtë masë sigurie dhe vepre penale u la edhe për Arben Dodën, me detyrë inspektor tek Drejtoria Rajonale e Tatimeve në Tiranë. Naim Kasa, 53 vjeç, banues në Tiranë, biznesmen, për veprat penale “Mashtrim me pasoja të rënda kryer në bashkëpunim”, “Kontrabandë me mallra që paguhet akcizë” dhe “Fshehja e të ardhurave”.