844 gjoba ka vendosur policia gjatë 24 orëve të fundit ndaj personave që nuk kanë respektuar rregullat anti-covid e janë kapur në rrugë pa maskë. Që prej hyrjes në fuqi të masës që dikton mbulimin e fytyrës edhe në ambjente të jashtme me qëllim frenimin e pandemisë, efektivët kanë vijuar kontrollet në terren në mbarë vendin. Maska është sot një detyrim për të gjithë qytetarët, që në momentin që dalin nga shtëpia. Policia ka konstatuar se një pjesë e mirë e tyre janë bindur dhe e kanë zbatuar këtë masë, të domosdoshme sipas ekzekutivit, për t`I bërë ballë përkqeësimit të situatës që mbërriti, ashtu sic ishte paralajmëruar, me ftohjen e motit. Gjatë kontrolleve megjithatë është parë se ka pasur dhe individë të cilët nuk e kanë zbatuar masën që konsiderohet se I mbron ata vetë, por edhe të tjerët. Kështu në rrugë janë ndaluar e gjobitur 659 qytetarë dhe 185 të tjerë të ndëhskuar në të njëjtën mënyrë, ishin pasagjerë pa maska në automjete private, pa lidhje familjare me drejtuesin e mjetit, apo pasagjerë pa maska mbrojtëse në mjetet e transportit publik. Ndaj secili prej tyre është vendosur masa administrative me vlerë 3.000 lekë.