Komisionerja evropiane për Zgjerimin, Marta Kos, ka anuluar vizitën e planifikuar për javën e ardhshme në Serbi, në shenjë proteste ndaj mënyrës se si po nderohet në vend ish-komandanti i Ushtrisë së Republikës Srpska, Ratko Mladić i dënuar me burgim të përjetshëm për gjenocid, krime kundër njerëzimit dhe krime lufte. Vendimi vjen një ditë pasi trupi i pajetë i Mladiç u transportua nga Haga drejt Beogradit me një avion të qeverisë serbe. Nëpërmjet një reagimi në rrjetin social X, ajo e lidhi drejtpërdrejt vendimin me glorifikimin e figurës së Mladiç, ku dha edhe arsyet e anulimit të vizitës. ‘Mladiç u dënua për gjenocid, krime kundër njerëzimit dhe krime lufte. Kthimi i eshtrave të tij në Beograd i kujton Evropës faqet më të errëta të historisë sonë të afërt. Lavdërimi dhe glorifikimi që po shoqëron vdekjen e tij është i papajtueshëm me vlerat mbi të cilat ndërtohet rruga drejt Bashkimit Evropian. Në këtë kontekst, kam vendosur që, për momentin, të mos e zhvilloj vizitën time të planifikuar në Serb’