Lëvizja Vetëvendosje deklaroi se Kosova nuk po sillet si shtet kundrejt marrëveshjes me Serbinë të arritur në Shtëpinë e Bardhë. Drejtues të partisë më të madhe opozitare në vend theksojnë se ‘marrëveshja për stabilizim ekonomik mes Prishtines dhe Beogradit, është negociuar në kurriz të Kosovës’. Në një konferencë për media, anëtari i kësaj partie, Avni Zogiani, ka thënë se me pikën për autostradën, hekurudhën dhe linjën ajrore që lidhë Kosovën dhe Serbinë si dhe pikat e tjera, Kosova po vazhdon të “sillet si autoritet joshtetëror”.