Policia rrugore e Tiranës ka identifikuar dhe ndëshkuar një shtetas i cili kryente manovra të rrezikshme dhe gara shpejtësie në rrugë, duke u kthyer në rrezik për jetën e përdoruesve të rrugës. Mësohet i riu qarkullonte me shpejtësi tejet normave të lejuara në rrugën interurbane Tiranë – Durrës, në momentin kur kishte fluks të madh makinash. Gjithashtu në 23 shkurt të këtij viti, ky shtetas publikoi në rrjete sociale video, ku ishte duke kryer manovra të rrezikshme në rrugë, më mjetin e tij tip BMW.