Njësitë e lëvizshme të mamografisë u ndalën në repartin ushtarak në Bunavi ku u ofruan ekzaminime falas për kancerin e gjirit për vajzat dhe gratë e forcave të armatosura. “Ne jemi të vetëdijshëm për përgjegjësinë sociale që kemi si Ministri e Mbrojtjes dhe si FA, për t'ju gjendur pranë në çdo sfidë shëndetësore, aq më tepër që kjo sfidë ka tendencë të shtrihet dhe të bëhet më e rrezikshme. Prandaj, parandalimi dhe veprimet ndërgjegjësuese kanë një domethënie të veçantë. Ky mesazh nuk duhet të shkojë vetëm për gratë dhe vajzat, por edhe për burrat dhe djemtë, të cilët duhet të jenë mbështetje për koleget, motrat, nënat dhe bashkëshortet e tyre" Ministrja e shëndetësisë, Albana Koçiu kujtoi se sa më shpejt të diagnostikohet aq më shpejt mjekët mund t’i vijnë në ndihmë kujdo që preket nga tumori i gjirit.