Malajzia do të përpiqet të prodhojë shi duke mbjellë re dhe po përgatitet të mbyllë shkollat pasi cilësia e ajrit në shumë vende është përkeqësuar – tha departamenti i ambjentit, duke rritur frikën për një raund të ri ndotjeje nga zjarret në pyje. Thuajse cdo sezon të thatë, tymi nga zjarret që ndizen për të pastruar tokën për plantacionet e vajit të palmës etj, në indonezi, errëson qiejt në pjesën më të madhe të rajonit duke sjellë edhe rreziqe për shëndetin publik dhe shqetësime për operatorët turistikë dhe kompanitë ajrore. Cilësia e ajrit në malajzi është përkeqësuar, vecanërisht në pjesën perëndimore të vendit, me 11 zona që kanë regjistruar një nivel të rrezikshëm ndotjeje. Malajzia tha se zjarret e javës së shkuar në indonezinë fqinje po shkaktonin ndotje edhe pse vetë indonezia ka mohuar të ketë pikasur tym që kalon kufijtë e saj drejt malajzisë. Tani, autoritetet po përpiqen të pastrojnë ajrin me shi, duke mbjellë re dhe kanë marrë edhe masa të tjera për të luftuar ndotjen e ajrit.