Një krim brenda familjes, me dy viktima, tronditi zonën e Konispolit në Sarandë. Pas një grindjeje të çastit, Hysen Islamaj, 69-vjeç goditi me sëpatë bashkëshorten e tij, Shanon, 66-vjeçe. Grindja ndodhi rreth orës 07:00 trë mëngjesit në banesën e çiftit të moshuar në fshatin e Shalës ndërsa nga goditja e gruaja humbi jetën në vend. Krimi u pa nga mbesa e çiftit e cila njoftoi menjëherë të atin e saj, Klementinin për atë se çfarë kishte ndodhur. 40-vjeçari u nis menjëherë drejt shtëpisë dhe më pas, sipas policisë, ai shtyu të atin nga shkallët. Nga dëmtime te marra nga rrëzimi edhe 69-vjeçari ndërroi jetë. Lidhur me rastin hetuesit arrestuan 40-vjeçarin ndërsa mblodhën provat dhe dëshmitë e familjarëve lidhur me shkakun që nxiti konfliktin mes familjarëve. Viktima Hysen Shano njihej në fshat si tip problematik për shkak të konflikteve që ka pasur.