Një aksident me pasojë vdekje është regjistruar mbrëmjen e së shtunës në nvendin e quajtur “Laku i Qershisë”, në një rrugë dytësore që të çon në lagjen Bullicë të fshatit Berishë Vendi. Viktima është një 34 vjeccar i cili dyshohet se ka qenë duke u kthyer me automjet në banesë ku ka humbur kontrollin mbi drejtimin e automjetit, ku për pasojë ky i fundit ka dalë nga rruga, duke shkaktuar vdekjen e të riut. Paraprakisht dyshohet se aksidenti ka ndodhur si pasojë e motit të keq. Ka qenë familja e viktimës që ka njoftuar Policinë se kishin humbur kontaktet me të riun që prej mbrëmjes së të shtunës. 34-vjeçari ditën e djeshme kishte shkuar në fshatin Iballë dhe në mbrëmje kishte njoftuar familjen se po kthehej për në banesë. Pas denoncimit të familjes, policia është vënë në lëvizje ku pas kontrolleve është gjetur i pajetë 50 metra poshtë rrugës dytësore në vendin e quajtur “Laku i Qershisë”. Grupi hetimor nën drejtimin e Prokurorisë po punon për sqarimin e rrethanave dhe shkakut të aksidentit të rëndë.