Punonjësit e OSHEE të cilët u arrestuan dy ditë më parë pas një operacioni policor në Selitë u lanë të lirë nga qelia, ndërsa për tre persona të tjerë gjykata e Tiranës caktoi masën e sigurisë arrest në burg. Erlind Tresa, Elvis Lala dhe Asqeri Likaj, mirëmabjtësi i godinës së agjencisë shtetërore të kadastrës, ku ishte kultivuar lëndë narkotike kanabis u lanë në qeli nga togat e zeza. Ndërsa Reshit Tresa dhe tre punonjësit e OSHEE Ervis Pashollari, Elton Cenaliu dhe Gëzim Gjonpali u liruan nga qelia dhe ndaj tyre, gjykata vendosi masë më të lehtë, atë të arrestit në shtëpi. 7 personat u arrestuan dy ditë më parë pas një oeopracioni policor që u zhvillua në zonën e Selitës, ku u zbulua se njëri kat i godinës, ku janë edhe zyrat e Agjencisë Shtetërore të Kadastrës ishte përshtatur për kultivimin e bimëve narkotike. Shërbimet policore zbuluan në këtë ambient se ishin bërë ndërhyrje të paligjshme për të furizuar me energji eleketrike hapësirën ku rriteshin bimët, ndërsa gjetën 193 rënjë kanabis të mbjella keto në vazo, që kishin arritur një gjatësi nga 90 deri në 120 cm. Gjatë operacionit policor të koduar Tuneli nuk u bë e mundur arrestimi i 46 vjecarit Sajmit Karaj, i cili u shpall në kërkim nga policia, ndërkohë që një grua po hetohet në gjendje të lirë për mos kallëzim krimi.