Hetimet e antidrogës Italiane kanë përfunduar për një tjetër cështje në ngarkim të shqiptarit Ismail Rebeshi, duke dhënë një tjetër dënim për të. Këtë herë është vërtetuar se Ismail Rebeshi, një emër i njohur për Drejtësinë Italiane ka një akuzë për trafikimin e 85 kg kokainë nga Kolumbia, në Siri, e më pas përmes korridorit Shqipëri-Itali. I konsideruar si kapo i mafia italiane që vepron në zonën e Viterbos në Itali, Ismail Rebeshi është tashmë shqiptari me disa dënime, duke filluar nga disa qytete. Së fundi, Gjykata e Cagliarit, në Sardegna e ka dënuar me 6 vite burg. Shqiptari kishte zgjedhur gjykim të shkurtuar dhe akuzohet për aktivitetet mafioz e trafik lëndësh narkotike. Një nga bazat e grupit të tij kriminal ishte në komunën Ogliastra në Sardegna, ku kishte vendosur lidhje me bosët mafiozë Sandro Arzu e Alessandor Ghisu. Ismail Rebeshi është dënuar më parë me 12 vite burg e konsiderohet si personi kyç e pikë referimi me lidhje me mafien italiane Ndrangheta e Camorra për furnizimin me drogë të disa tregjeve shitjeje të saj në Itali por dhe në disa vende ekstra evropiane.