Kush shkon në plazh në Greqi, e ka të vështirë të gjejë një vend për të vendosur peshqirin dhe çadrën e vet. Anë e mbanë hapësira është e zënë me shezlonë e çadra. Prej radhëve me çadrat uniformë as që mund të shijohet panorama e detit. E këto radhë vendosen nga sipërmarrje, hotelierë, menaxherë baresh e kafenesh, të cilët marrin para për përdorimin e tyre - deri në 120 euro dita kushton një shezlon luksoz në ishullin e Parosit. Por ndaj këtij biznesi duket se po lind një rezistencë. Lëvizja qytetare, që proteston kundër privatizimit ilegal të plazheve. "Ne mbrojmë të drejtën e qytetarëve dhe të vizitorëve të ishullit për akses të lirë në plazhet, që ne i duam", shkruan "lëvizja e Parosit për mbrojtjen e plazheve" në faqen e saj të Facebookut. "Vera greke është pjesë e shpirtit tonë, është pjesë e identitetit tonë, ne nuk lejojmë, që të na e marrin këtë!"