Administrata Trump ka zgjeruar autoritetin e saj për të ndërmarrë veprime në Venezuelë duke filluar nga e hëna, pasi SHBA e përcaktoi Presidentin Venezuelan Nicolás Maduro dhe aleatët e tij qeveritarë si pjesëtarë të një organizate terroriste të huaj. Përcaktimi i "Cartel de los Soles", si një organizatë terroriste e huaj do të autorizojë Presidentin Donald Trump të vendosë sanksione të reja që synojnë asetet dhe infrastrukturën e Maduros. Megjithatë, sipas ekspertëve ligjorë, ai nuk autorizon në mënyrë të qartë përdorimin e forcës vdekjeprurëse. Megjithatë, zyrtarët e administratës kanë argumentuar se përcaktimi do t'i japë SHBA-së mundësi të zgjeruara ushtarake për sulme brenda Venezuelës. Cartel de los Soles përfshin një rrjet të decentralizuar të grupeve venezueliane brenda forcave të armatosura të lidhura me trafikun e drogës, thonë ekspertët. Presidenti venezuelian ka mohuar gjithmonë çdo përfshirje personale në trafikun e drogës, dhe qeveria e tij ka mohuar vazhdimisht ekzistencën e kartelit të dyshuar, të cilin disa ekspertë sugjerojnë se teknikisht nuk ekziston në kuptimin konvencional. Përcaktimi, vjen ndërsa ushtria amerikane ka grumbulluar dhjetëra anije luftarake dhe 15,000 trupa në rajon si pjesë e asaj që Pentagoni e ka quajtur "Operacioni Shtiza Jugore". Ushtria amerikane ka vrarë dhjetëra njerëz në sulme mbi anije të dyshimta pranë ujërave të venezuelës si pjesë e një fushate kundër trafikimit të drogës.