Presidenti Emmanuel Macron ka emëruar aleatin e ngushtë Sebastien Lecornu si kryeministër të ri francez, 24 orë pasi një votëbesim rrëzoi François Bayrou nga posti i kreut të qeverisë së tij. Lecornu ishte ndër favoritët për të marrë përsipër detyrën dhe në një deklaratë Pallati Elysée tha se atij i ishte dhënë detyra e konsultimit me partitë politike me qëllim miratimin e buxhetit të ardhshëm të Francës. Bayrou e kishte vizituar presidentin disa orë më parë për të dorëzuar dorëheqjen e tij, duke i hapur rrugën Lecornu-t që të bëhej kryeministri i pestë i mandatit të dytë të Macron si president. Lecornu do të përballet me të njëjtat sfida si paraardhësi i tij, duke përfshirë miratimin e një buxheti për uljen e kostove nga parlamenti pa shumicë. Franca ka një borxh publik në rritje, i cili arriti në 3.3 trilionë euro që përfaqëson 114% të prodhimit ekonomik ose PBB-së së vendit.