Lumi Vjosa ka dalë nga shtrati në urën e Mifolit, pasi niveli i ujit ka arritur në 7.1 metra. Si pasojë, tre banesa pranë urës së Mifolit janë përmbytur, po ashtu dhe tregu i gjësë së gjallë. Shtabi i Emergjencave Civile ndodhet në gatishmëri të plotë dhe ka njoftuar banorët e zonës të jenë të kujdesshëm, pasi sipas parashikimeve meteorologjike, reshjet e dendura qe priten të bien në Përmet, Gjirokastër dhe Memaliaj, mund të rrisin më tej prurjet e Vjosës, duke shtuar rrezikun e përmbytjeve kryesisht tek tokat bujqësore.