Dy burra hapën zjarr të dielën mbi një turmë njerëzish para një salloni flokësh në Queens, Nju-Jork, duke plagosur dhjetë njerëz para se të iknin me motoçikleta, njoftoi policia lokale. Të shtënat ndodhën në bashkinë Corona, dhe tetë burra dhe dy gra, të moshës midis 19 dhe 72-vjeç, u plagosën dhe u shtruan në spital. Sipas informacioneve nga policia, të gjithë janë jashtë rrezikut për jetën. Policia bëri të ditur se autorët erdhën në vendin e sulmit në këmbë, por më pas ikën me motoçikleta, të cilat ishin në pritje të tyre. Të katër kishin veshur xhupa me kapuç, shtoi policia. Tre nga të plagosurit janë anëtarë të Trinitarios, një bandë rruge nga Republika Dominikane, dhe besohet se ata kanë qenë shënjestra, shtoi policia. “Ky ishte një sulm i koordinuar, i cili është i papranueshëm dhe duhet të ndalet,” tha një nga oficerët e policisë. Asnjë arrestim nuk është bërë deri më tani, por policia publikoi fotografi dhe video të ngjarjes.