Mund të konsiderohet ky një për diplomacinë turke: Dy javë pas fillimit të sulmit ndaj Ukrainës po zhvillohen atje bisedimet e para në nivel qeveritar mes Rusisë dhe Ukrainës. Dy ministrat e jashtëm Sergej Lavrov dhe Dmytro Kuleba kanë mbërritur tashmë në Antalia dhe janë pritur nga ministri i jashtëm turk Mevlut Caushoglu në kuadër të të ashtuquajturit forumi i diplomacisë në rajonin turistik Antalja. Në forumin, që zhvillohet rregullisht, mblidhen politikanë, diplomatë dhe ekspertë nga fusha të ndryshme për të diskutuar bashkarisht. Takimit të kryediplomatëve i kanë paraprirë përpjeket e zellshme diplomatike të Ankarasë. Në fundjavë presidenti turk Rexhep Tayyip Erdogan në një bisedë telefonike rreth një orë me kreun e Kremlinit Vladimir Putin përsëriti kërkesën e tij për armëpushim dhe në radhë të parë u angazhua për "korridore humanitare" dhe nënshkrimin e një marrëveshje paqeje. Erdogan më parë pati telefonuar edhe me presidentin ukrainas Volodymyr Zelensky. Interesat turke për një zgjidhje paqësore të konfliktit janë të mëdha. Turqia si anëtare e NATO-s mban marrëdhënie të ngushta me të dy vendet.