Gjykata e Posaçme e Shkallës së parë vendosi të lirojë nga qelia Ish shefin e IKMT Sarandë Julian Preni dhe ish punonjësin e zyrës së Urbanistikës Arjel Balani. Vendimi u mor pas kërkesës së depozituar prej tyre, me argumentin se kishin përfunduar dwnimin, për shkak se kohëzgjatja e paraburgimit të vuajtur ishte më e madhe se masa e dënimit të caktuar. Julian Preni u shpall fajtor më 26 qershor për Korrupsion pasiv ndërsa Balani për ushtrim të ndikimit të paligjshëm. ata u dënuan me një vit e katër muaj burg pasi përfituan nga gjykimi I shkurtuar. Po ashtu Prenit dhe Balanit iu ndalua ushtrimi I detyrës në funksone publike për një periudhë kohore për pesë vite. Prokuroria e Posaçme, SPAK i akuzoi të gjykuarit për dy raste të veçuara korrupsioni. Në rastin e parë Arjel Balani, u akuzua se mori 6 mijë euro një personi për t’I siguruar pranë Agjencisë Kombëtare të Bregdetit një leje plazhi. Ndërsa Julian Preni, me detyrë në atë kohë përgjegjës i IKMT-së, dega Sarandë, i kërkoi të njëjtit person, 7500 Euro, për të mos i prishur një objekt që kishte ndërtuar në plazh Ksamil.