Dy tragetet e linjës Durrës-Bari, për shkak të detit të dallgëzuar nuk u nisën natën e kaluar, po mëngjesin e së shtunës. Ndërkohë tragetet nga Bari nuk kanë pasur vonesa në lundrim. Ato janë nisur natën e kaluar nga porti italian dhe kanë mbërritur në portin e Durrësit mëngjesin e sotëm. Ndërkohë situata gjatë paradites në portin e durrësit paraqitej normale. një ditë më parë Drejtoria e Përgjithshme Detare u bëri thirrje operatorëve detarë të marrin masa sigurie për t’i parprirë stuhisë që pritej. “Me qëllim parandalimin e çdo situate të papritur për shkak të kushteve atmosferike kërkohet bashkëpunimi i të gjithë subjekteve që ushtrojnë veprimtari në fushën e detarisë, të cilat duhet të marrin të gjitha masat e nevojshme për të qënë të sigurtë dhe parandaluar çdo rrezik të mundshëm për shkak të kushteve të përkeqësuara të motit”, thuhej ne njoftimin e Drejtorisë së Pergjithshme Detare.