Lideri i opozitës ruse, i sëmurë kritik, alexei navalni, ka mbërritur në gjermani, nga siberia, për trajtim. Ai ra në koma pasi piu atë që mbështetësit e tij dyshojnë se ishte një caj i helmuar. Ata akuzojnë autoritetet se po përpiqen të mbulojnë një krim. Mjekët që e trajtonin atë në Omska, insistuan se ai ishte shumë i sëmurë për tu transportuar. Por më pas thanë se gjendja e tij ishte stabël aq sa mund të përballonte fluturimin. Bashkëshortja e tij, Julia, ka udhëtuar me të. Mëngjesin e të shtunës, avioni mjeksor me të cilin udhëtonte Navalni, i paguar nga një organizatë jo qeveritare gjermane, u ul në aeroportin Tegel në berlin. Zëdhënësja e tij, Kira Yarmysh, në një postim në tëitter, falenderoi të gjithë për mbështetjen. Beteja e alekseit për jetën sapo ka filluar – tha ajo. Sipas saj ishte për të ardhur keq që mjekët ishin vonuar kaq shumë për të aprovuar transferimin e tij. Navalni u sëmur gjatë një fluturimi nga Tomsku në Moskë të enjten dhe avioni bëri një ulje emergjente në omsk. Një foto në median sociale e tregonte atë duke pirë në një filxhan në kafenenë e aeroportit Tomsk, para fluturimit. Ekipi i tij dyshon se një substancë helmuese ishte vendosur në cajin e tij. Mjekët kishin thënë më herët se asnjë helm nuk ishte gjetur në trupin e tij duke sugjeruar se ajo që kish ndodhur ishte rezultat i një crregullimi metabolik të shkaktuar nga niveli i ulët i sheqerit në gjak. Navalni është një kritik i zëshëm i presidentit vladimir putin dhe në vazhdimësi ka denoncuar korrupsionin zyrtar në rusi. Ai madje ka kryer edhe disa dënime me burg.