Ministria e Financave ka shpallur garën për licencimin e kazinove në kryeqytet, pas vendimit të miratuar në mbledhjen e Këshillit të Ministrave pak javë më parë për kriteret dhe zonat ku do të lejohej ushtrimi i këtij aktiviteti. subjektet e interesuara për t’u bërë pjesë procesit kanë afat deri më 22 Tetor për të aplikuar pranë Autoritetit të Mbikëqyrjes së Lojërave të Fatit. Nderkaq ministria e Financave sqaron se dokumentet që vërtetojnë përmbushjen e e kritereve për marrjen e licencës për ushtrim aktiviteti duhet të jenë miratuar nga organet përkatëse brenda tre muajve të fundit nga data e aplikimit. Licenca e një kazinoje do të kushtojë 1 miliardë lekë për vetëm një sallë loje ndërsa subjektet duhet të kenë një kapital prej 1.2 miliardë lekësh, ku do të duhet të tregojnë burimin e të ardhurave për objektin e aktivitetit të lojërave të fatit. autoritete përkatëse kanë përcaktuar edhe zonat ku do të lejohet aktiviteti i kazinove përfshin rrugën e Barrikadave tek Urani Pano, Rruga “Dedë Gjon Luli”; Rruga “Ibrahim Rrugova”; Bulevardi “Zhan D’Ark”, Rruga: “Xhorxh Ë. Bush”, që përkon njëherazi me pjesën qendrore të Tiranës. Vendimi për rikthimin e kazinove vjen pak vite pas atij të mbylljes së aktiviteteve për bastet sportive dhe kazinotë elektronike, subjekte që numëronin mijëra të punësuar në të gjithë vendin. Opozita e ka konsideruar vendimin e qeverisë për rikthimin e kazinove si një aferë të kryeministrit edi rama me krimin. sipas demokratëve ky vendim merret në prag të fushatës elektorale dhe hedh poshtë gjithë fushatën dhe propagandën e para pak viteve kur u ndërmor aksion i në gjithë vendi me mbylljen e lojërave të fatrit dhe kazinove.