Në kohën kur Perëndimi u ka rënë kambanave të luftës, ministri i Jashtëm rus, Sergei Lavrov ka këshilluar të hënën presidentin rus, Vladimir Putin që Moska të vazhdojë rrugën diplomatike, në përpjekjet për të siguruar garanci të sigurisë nga Perëndimi, ndërkohë që tensionet rreth Ukrainës kanë arritur kulmin. Shefi i diplomacisë ruse për gati 20 vjet, Sergei Lavrov, një nga figurat që janë identifikuar pothuajse me të gjitha ngjarjet e mëdha diplomatike botërorë, duken se shpreson për nëj zgjidhje diplomatike qe mund të shmangë futjen e trupave në Ukrainë. Lavrov i ka thënë Putinit se Shtetet e Bashkuara kanë bërë propozime konkrete për zvogëlim të rreziqeve ushtarake. Megjithatë ai pranon se përgjigjet nga Bashkimi Evropian dhe aleanca ushtarake e NATO-s, nuk kanë qenë të mjaftueshme.