Gjermania ka këshilluar qytetarët e saj të largohen nga Irani dhe të mos bëjnë udhëtime atje për të shmangur hakmarrjet e mundshme nga Teherani për rolin e Berlinit në riaktivizimin e një mekanizmi për sanksionet e OKB-së ndaj Iranit për programin e tij bërthamor. Mekanizmi riaktivizohet brenda 30 ditëve, nëse Irani nuk plotëson kërkesa e Gjermanisë, Francës dhe Britanisë për më shumë transparencë në lidhje me programin e tij bërthamor. Vendimi ka të ngjarë të krijojë tensione dy muaj pas sulmeve izraelite dhe amerikane ndaj Iranit. “Duke qenë se përfaqësuesit e qeverisë iraniane kanë kërcënuar vazhdimisht me pasoja, nuk mund të përjashtohet që interesat dhe qytetarët gjermanë të preken nga kundërmasat e Teheranit”, tha Ministria e Jashtme gjermane në një deklaratë. Për momentin, Ambasada Gjermane në Teheran mund të ofrojë vetëm ndihmë të kufizuar konsullore në vend”, paralajmëroi ajo.