Pas arrestimit të Eduart Lamajt si autor i vrasjes së dyfishtë që ndodhi në 30 majin e këtij viti, ku humbën jetën Bujar Lika dhe Paulin Gjergji, Policia intensifikoi veprimet për të gjetur edhe provat e fajësisë. Ne media, jane zbardhur dhe emrat e tre bashkepunetoreve te Eduard Lamajt te cilet jane shpallur edhe ne kerkim. Ata jane, 31 vjecari Ilir Xhepaj, 31 vjecari Elson Alija dhe 21 vjecari Klaudio Perkola. Nje dite me pare, policia bëri të mundur edhe sekuestrimin e makinës së përdorur nga autorët, ndërsa bëhet e ditur se mjeti ishte fshehur nga autorët në periferi të Tiranës. Eduart Lamaj 30 vjeç dyshohet si autori kryesor i vrasjes së dyfishtë që ndodhi në një hotel në Laç. Autori, pas vrasjes u fsheh tek e motra në Tiranë. Ai mori nje plagë në këmbë, për shkak të një plumbi që mori gjatë shkëmbimit të zjarrit. Për këtë arsye ai shkonte në një klinikë private për të marrë trajtim mjekësor.